"TEKNOLOGIA BERRIAK" IZENEKO UMORE GRAFIKOARI BURUZKO BARAKALDOKO NAZIOARTEKO VIII. LEHIAKETAREN OINARRIAK .

OINARRIAK
BARAKALDOko Udalak "TEKNOLOGIA BERRIAK" izeneko UMORE GRAFIKOari buruzko nazioarteko zortzigarren lehiaketarako deialdia egiten du.
Marrazkilariek umorezko eszena edo irudi bat bidali beharko dute, eguneroko bizimoduan eragina duten teknologia berriekin zerikusia duena, Internet, biologia, espazioa, telekomunikazioak, medikuntza edo gisa horretako beste zer edo zer gai hartuta; horrela, hiritarrek aurrerabide zientifikoaren inguruan sortzen ari diren esparru berriei buruz gogoeta egin ahal izango dute.

• PARTEHARTZAILEAK

Adin guztietako pertsonek parte hartu ahal izango dute leihaketan. Partehartzaileek hiruna lan aurkeztu ahal izango dituzte gehienez. Aurreko urtean Hermes saria irabazitako pertsonen lanak ez dira onartuko.

• MODALITATEA ETA FORMATUA

Partehartzaileek egin beharko dituzte bai irudiak, bai pertsonaiak; gainera, batzuek zein besteek berriak izan behar dute, inon argitaratu gabeak. Lanak zuri-beltzez edota kolorez aurkeztu beharko dira. Orri bat luze izango dira, eta formatua 800 bider 600 pixelekoa izango dute gehienez ere. Gutxieneko bereizmena 72 pixelekoa izango da, hazbeteko.

Lanak izenik edo bestelako informaziorik gabe aurkeztu behar dira. Baldintza hori betetzen ez duten partehartzaileak lehiaketatik kanpo geratuko dira.

• HIZKUNTZAK

Euskaraz edo gaztelaniaz idatzitako lanak aurkez daitezke. Beste edozein hizkuntza eta eremu geografikotako egileen lanak ere onartuko dira, testurik ez badute.

• AURKEZPENA

Partehartzaileek mezu elektroniko bat bidali beharko dute, honako datu hauek emateko: izen-abizenak, jaiotze-data, helbidea, NAN eta harremanetarako telefonoa. Mezu elektronikoarekin batera marrazkiaren artxiboa ere bidaliko da, JPG formatuan.

• AURKEZPEN TOKIA ETA EGUNA

Lan guztiak eta egileen datuak posta elektronikoz bidali beharko dira, 2008/10/13 baino lehenago, helbide honetara: hermesbarakaldo@barakaldo.org.

• ERAKUSKETA BIRTUALA

Hautatutako lanei zabalkundea ematea pentsatu du Udalak. Irudien egileek ez dute dirurik jasoko beren lanak erakusgai jartzeagatik.

• SARIAK

Barakaldoko Hermes saria 4.500 eurokoa da eta bost sari ditu bere baitan:

Lehenengo saria : 1.500 euro

Bigarren saria :     1.000 euro

Hirugarren saria :  800 euro

Laugarren saria :   700 euro

Bosgarren saria :   500 euro

• EPAIMAHAIA

Adituen epaimahai batek aukeratuko ditu lanik onenak. Sariak 2008ko abenduaren lehenengo astean emango dira Barakaldon. Epaimahaiak sariak eman gabe utz litzake, eta bere erabakiak aldaezinak izango dira.

• BESTERIK

Lehiaketa honetan parte hartzeak oinarri hauek guztiak onartzea dakar berekin.